البرنامج

فهد العالم دائم الحركة، خاصة فالمجال الرقمي الذكي هو اللي يقدر يعرف شنو هي التكنولوجيا ديال الغد.

عند 1337، فهمناها شحال هادي. وبدل منقيدو الطلبة فتعلم مجموعة ديال اللغات اللي تقدر ما تبقاش متداولة عند حلول وقت التخرج من المدرسة ، برنامج ديال 1337 كيقوم على عدّة مواضيع كبرى موزعة على 17 مهارة كلها مبنية على عالم المقاولة. هذ المهارات كلها تترتاكز على قاعدة وحدة : القدرة على التكيف، والتعلم… الفكرة هي أنك تقدر تواجه تحديات جديدة، تحديات غادي تبان لكم طيلة التكوين.

البرنامج ديال 1337 فيه مراحل إجبارية، ومع ذلك، الطالب تيبني بنفسو البرنامج ديالو فمدة تعليمو. والمواضيع اللي كنتطرقو لها كثيرة والهدف ديالها هو تطوير المهارات اللي كتقدم

البرمجة

البرمجة

المفتاح ديال 1337 هو الشفرة أو الكود. تطوير تطبيقات هو المحرك اللي كيحرك الحياة الرقمية. وأهم المهارات التقنية كنتطرقو لها، باش نعطيو لكل واحد أفضل القواعد اللي غاديا تساعدو باش يندامج فالحياة المهنية. وهذ القواعد كتساعد باش تعامل مع أي لغة برمجة، وكتعاون كل طالب باش يطور mind set يعني العقلية ديالو فالبرمجة.

البرمجة الأمرية

Rush Arkanoid ـ فسبت وحد فقط، غادي يخاصك تعاود اللعبة الشهيرة ديال التحطيم، اللي كانت فالكونسول ديال سنوات 80.

الدالة

A-maze-ing ـ غادي يخاصك تلقى المخرج ديال المتاهة ! لغات البرمجة الدالة كتصلح بشكل خاص لهد النوع من الإشكاليات.

البرمجة الشيئية

مسبح C++ ـ التعرف لأول مرة على البرمجة الشيئية فهد الأسبوعين ديال الغطس العميق.

الخوارزميات

Gomoku ـ جوموكو ـ هذ المشروع كيستكشف نظرية الألعاب، أحد فروع الذكاء الاصطناعي.

الرسومات

1337runـ شكون فينا ما لعبش تمبل ران Temple Run فتيليفونو؟ ولكن شكون فينا يقدر يعاود يصاوب لعبة OpenGL كامله باش يجري فالمدرسة؟

الابتكار

الابتكار

الابتكار، فالمقاولة، هو الروح ديالها. ويلا توقفت على الابتكار، حكمات على مصيرها . وبالنسبة لطلبة 1337، التفكير المختلف والتكيف هوما السر باش يكونو دائما مبتكرين و أحسن في عالم الشغل. وهذا علاش، عندنا بعض المشاريع اللي صممناها خصيصا باش تطور مهارة الابتكار

التكيف والابتكار

المشروع المفتوح Open project ـ المدة ديالو طويلة إلزاما، هذ المشروع كيخللي الطالب يختار الموضوع المفضل ديالو باش يتفرغ ليه تماما.

الويب

Red Tetris ـ هد المشروع كيدفع الطلبة باش يواكبو دايما التغيرات اللي كيعرفها الويب فكل وقت.

إدماج التكنولوجيا

دوكر Dockerـ تكنولوجيا محاكاة virtualisation صاعدة بشكل كبير حاليا، دوكر غاديا تغير لك الرؤية ديالك

البنيات التحتية

البنيات التحتية

يلا كان الكود مهم بزاف فكل ما هو رقمي، فللي خاصنا نعرفوه هو أن البنيات، والهندسات المختالفة كتبغي حتى هي مهارات باش تقدر تسيرهم بفعالية وبأمان. إذن شنو هي حظيرة معلوماتية ؟ شنو هوما أنواع الربط ـ ـ ، أي سرعة…؟ والأهم كيفاش تدخّل بسرعة باش تمنع اي مشكل وتصلح أي عطب؟ المعدات راها مهمة بزاف بالنسبة للطلبة. وخاص تكون عندهم أدوات تقنية يقدرو يعولو عليها باش يطورو مهارات ديالهم.

SYSTEM PROGRAMMATION

42sh ـ الناس اللي كيستعملو يونيكس unix، هد البرنامج مهم جدا باش تفهم دواليب نظام التشغيل، وخاصك تعاودو بالكامل فإطار هذ المشروع.

إدارة الشبكات والنظام

شبكة المقاولة ـ فهد المشروع، بفضل تقنيات المحاكاة كيولي بناء شبكة مقاولة كاملة ممكن، ومعها جميع الخدمات الحيوية.

الأمن

فيروس Virus ـ كيفاش كتخدم الفيروسات وكيفاش يمكن لك تصممو ، هذي أو مراحل هد المشروع الخاص بتقنيات الحماية.

قواعد البيانات & البيانات

تحدي البيانات الكبرى Challenge BigData ـ البيانات والمعلومات ديالك من ذهب. اكتشف تقنيات تحليل الأحجام الهائلة ديال البيانات باش تستشرف الظواهر اللي ماجية.

الحوسبة المتوازية

بلازا Plazza ـ فتحتي مطعم البيتزا ديالك وطالب مستخدمين، لازم تنظم الطباخين ديالك باش تخدم الزبائن كاملين فأسرع وقت.

التنظيم

كور وور Corwar ـ هذا واحد من أضخم المشاريع فمسارك الدراسي، كوروور معقد وكيبغي منك تكون منهجي يلا بغيتي تحصل على شي نتيجة.

الصرامة

libFT ـ مجموعة من القطع البرمجية ساهلة جدا، ولكن دقيقة جدا وما تقبلش أدنى خطأ.

تجربة في المقاولة

تدريب إجباري لمدة 10 – 12 شهر ضمن المسار الدراسي.

على استعداد لمواجهة التحدي؟

تسجل دبا
© 2019 | 1337 est à but non lucratif.