المفهوم
التعلم التعاوني PEER-LEARNING، هدف تربوي محدد بدقة
المنهج التعليمي متايعتمدش على أساتذة ولا دروس… انت هو المعلم ف 1337 اللي كتعلم راسك براسك. التعلم التعاوني هو اللي كيسمح باش المدرسة تبقى مفتوحة 24 ساعة على 24، 7 أيام في الأسبوع. يمكنك لك تحضر فأي ساعة ليل نهار ، السبت والأحد وحتى أيام العطل. انت الوحيد المسؤول على نجاحك ونجاح زملاءك. التعلم بأشمله يتم عن طريق التطبيق وإنجاز مشاريع. ما كايناش دروس أكاديمية اللي تتفقد فيها التركيز بعد 10 دقايق. وباش تقدّم، خاصك تعتمد على نفسك، وعلى قوة المجموعة. غادي يخصك تعطي وتاخذ، انتا فنفس الوقت هو الأستاذ والتلميذ.
التعلم التعاوني، تعلم بطريقة مختلفة
تعلم بطريقة مختلفة
التعلم التعاوني كيقوم على العمل التشاركي. خاصك تواجه الآخرين، وتبادل معاهم، وتعلمو من بعضكم. بحال المشاريع كلها، غادي تلقى فطريقك مقاومة، وقناعات، وشكوك، وتساؤلات قبل ما توصل للنتيجة.
هذ التساؤلات، غادي تبقى تطرحها ديما مللي تخدم مع المجموعة. هذ التساؤلات هي اللي كتخليك تزيد القدام وتشحذ القدرات ديالك، ماشي بالحفاظة والعراضة، ولكن بالبحث، والتجريب، وبالدفاع عن الأفكار. خاصك تكون مستعد باش تبحث على المعرفة، وتّحاور مع زملاءك، وما تسناش الأجوبة جاهزة من عند الأساتذة.
التصحيح الأقران
تقييم الأقران
عند انتهاء المشروع، يأتي وقت التصحيح لا علاقة مع النظام التقليدي اللي كتعرفو، كل طالب كيراجع المشروع ديال طالب آخر ويعطيه تقييم.
عندنا نظام تصحيح ومراجعة بين الطلبة. المراجعين تيدرسو المشروع ، ويعطيوه تقييم على حسب طبيعة المشروع وتيعطويه السلم المحدد له . ما كايناش فالأول النقط ، كاين الحوار. وهذ الحوار والتبادل هو اللي كيخلي الطالب من البداية يعرف شنو العوائق اللي صادفها فالمشروع ، ويقدر يتجاوب معها بسرعة.
عندنا نظام تصحيح ومراجعة بين الطلبة. المراجعين تيدرسو المشروع ، ويعطيوه تقييم على حسب طبيعة المشروع وتيعطويه السلم المحدد له . ما كايناش فالأول النقط ، كاين الحوار. وهذ الحوار والتبادل هو اللي كيخلي الطالب من البداية يعرف شنو العوائق اللي صادفها فالمشروع ، ويقدر يتجاوب معها بسرعة.
بيداغوجية التعليم بالاقران
تعلم مع الآخرين… ومن الآخرين
Peer Pedagogy اليوم جات فمكان مفهوم التدريس التقليدي. يعتبرالطلبة مجموعة من المكونين والمتكونين فنفس الوقت، وعليهم كيرتكز نظام التعلم. وهكذا، الطلبة كيقدروا يقدموا مشاريعهم بشكل طبيعي لطلبة آخرين. وما يهمش، واخا المشروع يجي من شي مهارة معلوماتية قديمة اكتسبها الطالب قبل ما يدخل المدرسة أو شي مهارة جديدة بالكل. المدرسة ومجموعتها كيقدرو يوصلو لمشاريع متنوعة وكثيرة كتشجع على التجريب والتعلم. وحيت الطلبة جايين من تجارب متنوعة وعددهم كبير، اللي تيمثلو القوة ديال 1337.
التلعيب
من خلال اللعب وأشكاله المختلفة ، 1337 تتسمح للطلبة بالتعلم الذاتي في بيئة محفزة للغاية.
كيفاش كيكون التلعيب
المشاريع كلها منظمة بحال شي لعبة فيديو. من خلال البحث وجمع التجارب، كتلقى راسك كتقدم فنمط ألعاب MMORPG وانت كتطور المهارة والمستوى والقدرات ديالك. انتا اللي غادي تحكم فالتقدم ديالك، وتقدر تفضل بعض الجوانب، وبعض المواضيع من المشروع ديالك، وتقدم بالوتيرة ديالك.
ما دمت تتصعد فالمستويات وانت تتضاعف نقط التجارب اللي موزعة على 17 مهارة مهنية. اللي غادي تمكنك تزيد من مستوى لمستوى.
ويمكن ليك أيضا تحصل على « achievements » اللي هوما إنجازات، أو نوع من لجوائز اللي كتخليك تعلّم وانت كتسلى فعالم ألعاب الفيديو.
هذ مفهوم البحث مهم حيت كيساعد فتأطير المسار ديالك، وكيبين بوضوح المراحل الكبرى ديال تعلمك حتى تخرج وتندمج فالحياة المهنية.
حينما اشاء
كل طالب يتقدم حسب الوتيرة ديالو. حيث بدون شك، بعض المفاهيم كتسهال على البعض اكثر من عند البعض الآخر. ولذلك، المواد عند 1337 كلها مستقلة زمنيا.. ، لهذا كل طالب كيتقدم حسب نفسو والوتيرة ديالو حتى واحد ما مأخر مادام الدرس مصمم 100% لكل فرد.
3 سنوات
مدة التعليم ف1337 كتمتد على 3 سنوات. وهذ المدة على سبيل الإشارة كتضمن التداريب والوقت المقضي فالمقاولة. ويمكن لهذ المدة تطوال أو تقصار حسب كل طالب بدون ما تأثر فالتكوين بذاتو. وما نساوش أن التكوين كيشمل كذلك جميع جوانب البحث عن شغل بعدما تسالي التكوين. استيعاب واختبار التعليم كيكون على شكل مستويات التجربة وماشي بعدد السنين. وهذه هي التجربة الشخصية اللي كتميز التكوين عند 1337.
التحسن مستمر بفضل المكتسبات ديالك
مللي كتكون كتحكم فواحد المشروع، كتشجع باش تزيد القدام اكثر. مثلا، فواحد التدريب، خدمتي على واحد التكنولوجيا جديدة، إذن اكتسبتي واحد التجربة فهذ الميدان. غادي يمكن لك إذن تطالع على هذ الميدان وتبدا تحديات جديدة بلا ماتسنى حتى يلحقو عليك الزملاء ديالك. و يلا بغيتي تزيد تعمّق فالموضوع، ما كاين حتى مانع.
خللي الوقت للوقت
التفريق الزمني كيساعدك باش تشتغل بالوتيرة ديالك. يمكن لك تاخذ الوقت اللازم ليك باش تنجز مشروعك. الوقت اللي كنخصصو لكل مشروع هو غير تقدير. ويمكن لك تلتزم به كيف يمكن لك تاخذ وقت اكثر باش تنجح وتفهم احسن. والتقدم ديال زملاءك ما غاديش يمنعك من التقدم حتى انتا، بالعكس غادي يمكن لك تعتامد عليهم وتبادل معهم باش حتى انتا تزيد القدام.
وهذ التفريق الزمني كيساعد كذلك باش تواجه مفاجآت الحياة… مثلا يلا كان خاصك توقف التكوين ديالك مؤقتا، مللي غادي ترجع ل 1337 غادي تلقى مشاريعك فين خليتيها كيما خليتيها. ومع ذلك ما نساوش أنه يلا بغينا نسايرو ما يجري فالمقاولات على أرض الواقع، خاص وقت الإنجاز يكون عندنا مضبوط. الوقت راه إكراه من إكراهات الاحترافية والمهنية، وخاصنا نحطوه دائما فالاعتبار.
