ⴰⵔⵎⵎⵓⵙ
PEER-LEARNING(ⴰⵍⵎⵎⵓⴷ ⴰⵎⴰⵣⵣⴰⵖ) , ⵢⴰⵏ ⵓⵙⴽⴽⵉⵏ ⴰⵙⵙⴳⵎⴰⵏ ⵉⴳⴰⵏ ⵉⵜⵜⵓⵙⵎⴰⴳⵉⵏ ⵙ ⵜⵉⵎⵎⴰⴷ ⵏⵏⵙ.
ⴰⵡⴷ ⴽⵔⴰ ⵏ ⵓⵙⵍⵎⴰⴷ, ⴰⵡⴷ ⴽⵔⴰ ⵏ ⵜⵎⵙⵉⵔⵜ... ⴷⴰⵔ ⴽⵕⴰⴹ ⴷ ⵎⵔⴰ, ⴽⵕⴰⵎⵔⴰⵡ ⴷ ⵙⴰ ⵜⴳⵉⵜ ⴽⵢⵢ ⴰⵙⵍⵎⴰⴷ ⵏ ⵢⵉⵅⴼ ⵏⵏⴽ ⴳ ⵓⵍⵎⵎⵓⴷ. ⵙ ⵜⵣⵎⵎⵔⵎ ⵏ PEER-LEARNING, ⵜⵉⵏⵎⵍ ⵜⵏⵏⵓⵕⵥⵎ 24ⵙ/24 7ⵙ/7. ⵜⵖⵉⵢⵎ ⴰⴷ ⴷ ⵜⴷⴷⵓⵎ ⵜⵉⵣⵉ ⵏⵏⴰ ⴽⴰ ⵜⵔⴰⵎ ⴳ ⵓⵣⴰⵍ ⵓⵍⴰ ⵉⴹ, ⵜⵉⴳⵉⵔⴰ ⵏ ⵉⵎⴰⵍⴰⵙⵙ ⵓⵍⴰ ⴳ ⵡⵓⵙⵙⴰⵏ ⵏ ⵜⴼⵓⴳⵍⵉⵡⵉⵏ. ⴽⵏⵏⵉ ⵜⵍⵍⴰ ⵖⵉⴷ ⴼ ⴰⴷ ⵜⵙⵙⵉⵍⵉⵎ ⴰⵎⵓⵔⵙ ⵏⵏⵓⵏ ⴷ ⵓⵎⵓⵔⵙ ⵏ ⵉⵎⴷⴷⵓⴽⴽⵯⴰⵍ ⵏⵏⵓⵏ. ⵜⵉⵎⵙⵉⵔⵉⵏ ⴰⴽⴽⵯ ⴷⴰ ⵜⵜⵓⵙⴽⴰⵔⵏ ⴳⴰⵏ ⵜⵉⵡⵓⵔⴰⵏⵉⵏ ⴷ ⵙ ⵉⵙⵏⴼⴰⵕⵏ. ⵓⵔ ⴳⵉⵙ ⴽⵔⴰ ⵏ ⵜⵎⵙⵉⵔⵜ ⵜⴰⴽⴰⴷⵉⵎⴰⵏⵜ ⴳ ⵓⵔ ⵉⴳⵉ ⵓⵙⵎⵎⴰⵙ ⵙ ⵜⵉⴷⵜ ⴰⵙⵏⵏⴰⵍ ⵏ 10 ⵏ ⵜⵓⵙⴷⵉⴷⵉⵏ ⵣⵖ 60. ⴰⴼⴰⴷ ⴰⴷ ⵜⴷⴷⵓⵎ ⵙ ⴷⴰⵜ ⵉⴷⴷⴰⵏ ⴰⴷ ⵓⵔ ⵜⵙⵡⵉⵏⴳⵎⵎ ⴰⵎⵔ ⴳ ⵢⵉⵅⴼⴰⵡⵏ ⵏⵏⵓⵏ ⴷ ⵓⴼⵓⴷ ⵏ ⵜⵔⴰⴱⴱⵓⵜ. ⵉⵇⵇⴰⵏ ⴰⴷ ⵜⴼⴽⵎ, ⵜⴰⵎⵥⵎ, ⴰⵛⴽⵓ ⵜⴳⴰⵎ ⵙ ⵢⴰⵜ ⵜⵉⴽⴽⵍⵜ ⵉⵎⵙⵙⵉⵍⵖⵏ ⴷ ⵉⵏⵍⵎⴰⴷ. Peer Learning ⴰⵔ ⵉⵕⵥⵥⴰ ⵉⵡⵓⵜⵜⴰ ⴳⵔ ⵉⵏⵍⵎⴰⴷⵏ ⴷ ⵉⵙⵍⵎⴰⴷⵏ. ⴰⵛⴽⵓ ⵓⵔ ⵔⴰⴷ ⵉⵎⵓⵔⵙ ⵓⵙⵙⵉⵍⵖ ⴰⵎⵔ ⵙ ⵜⴰⵎⵓⵏⵜ ⴳⵔⴰⵜⵙⵏ.
PEER-LEARNING(ⴰⵍⵎⵎⵓⴷ ⴰⵎⴰⵣⵣⴰⵖ)
ⵍⵎⴷ ⵙ ⵜⵖⴰⵔⴰⵙⵜ ⵢⴰⴹⵏⵉⵏ
ⴰⵙⴰⵜⵓⵔ ⵏ PEER-LEARNING ⵜⴳⴰ ⵜ ⵜⵡⵓⵔⵉ ⵏ ⵜⵡⵉⵣⵉ. ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⴳⵏⵣⵉ ⵙ ⵡⵉⵢⴰⴹ, ⵢⵉⵍⵉ ⵓⵎⵙⵏⴼⵍ, ⴷ ⵓⵍⵎⵎⵓⴷ ⵣⵖ ⴽⵓⵢⴰⵏ. ⵣⵓⵏ ⴷ ⴰⴽⴽⵯ ⵎⴰⴷ ⵉⵍⵍⴰⵏ ⵖ ⵉⵙⵏⴼⴰⵕⵏ, ⵍⵍⴰⵏⵜ ⵜⴼⵉⴽⵛⵉⵏ, ⵜⵉⴽⵚⵚⴰⴹ, ⵜⵓⵔⴷⴰ, ⵉⵙⵇⵙⵉⵜⵏ ⵉⵙⵙⵓⵜⵓⵍⵏ ⴼ ⵓⵙⴰⴽⴰ ⵉⵜⵜⴰⵡⵉⵏ ⵙ ⵓⵎⵓⵔⵙ ⴷ ⵜⵢⴰⴼⵓⵜ. ⵉⵙⵇⵙⵉⵜⵏ ⴰⵔ ⵜⵏ ⴱⴷⴷⴰ ⵜⴰⴽⴽⴰⵎ ⵉ ⵢⵉⵅⴼⴰⵡⵏ ⵏⵏⵓⵏ ⴰⴽⵓⴷ ⵏⵏⴰ ⵜⵙⵡⵓⵔⵉⵎ ⴳ ⵜⵔⴰⴱⴱⵓⵜ. ⴰⵔ ⴽⵯⵏ ⵜⵜⴰⴷⵊⵏ ⴰⴷ ⵜⴷⴷⵓⵎ ⵙ ⴷⴰⵜ, ⵜⵙⴷⵓⵙⵎ ⵜⵉⵣⵎⵎⴰⵔ ⵏⵏⵓⵏ, ⵓⵔ ⴽ ⵖⴰⵔ ⴰⴷ ⵜⴻⵜⵜⴰⵍⵙⵎ ⵉ ⵓⴼⴰⵔⵙ ⵍⵍⵉ ⵢⴰⴷ ⵉⵍⵍⴰⵏ ⵏⵖ ⴷ ⴰⴷ ⴽⴰ ⵜⴳⵯⵎⵎⵉⵎ ⴰⵢⵍⵍⵉ ⴷ ⵉⵡⵉⵏⵜ ⵜⵎⵙⵉⵔⵉⵏ ⵜⵉⵡⴽⴰⴷⵉⵎⵉⵏ, ⵎⴰⵛⵛ ⴰⵔ ⵜⵙⵉⴳⴳⵉⵍⵎ, ⴰⵔ ⵜⴻⵜⵜⴰⵔⵎⵎ ⴰⵔ ⴳⵉⵙ ⵜⴽⴽⴰⵜⵎ ⵓⵍⴰ ⴼ ⵜⵙⵡⵉⵏⴳⵉⵎⵉⵏ ⵏⵏⵓⵏ. ⵉⵇⵇⴰⵏ ⴷ ⴰⴷ ⵜⵓⵊⴰⴷⵎ ⵉ ⵓⵙⵉⴳⴳⵍ ⵙ ⵜⵎⵓⵙⵏⵉ, ⵜⵎⵙⵏⴼⴰⵍⵎ ⴷ ⵉⵎⴷⴷⵓⴽⴽⵯⴰⵍ ⵏⵏⵓⵏ, ⴷ ⴰⴷ ⵓⵔ ⵜⵜⵇⵇⵍⵎ ⵙ ⵜⵎⵔⴰⵔⵓⵜⵉⵏ ⴰⴷ ⴷ ⴽⴽⵏⵜ ⴷⴰⵔ ⵉⵙⵍⵎⴰⴷⵏ ⵏⵏⵓⵏ.
PEER EVALUATION (ⴰⵙⵎⵓⵜⵜⴳ ⴰⵎⴰⵣⵣⴰⵖ)
ⴱⴰⵢ ⴱⴰⵢ ⵉ ⵓⴳⵯⵔⵉ ⵏ ⵓⵙⵎⵓⵜⵜⴳ ⴰⴽⵍⴰⵙⵉⴽⴰⵏ
ⵖⵉⵔ ⴰⴷ ⵉⴱⴷⴷ ⵓⵙⵏⴼⴰⵕ, ⵀⴰⵜ ⵓⵔ ⵏⴻⵏⵏⵉ ⵉⵙ ⵉⵎⴷⴰ, ⵉⵙ ⵜⵍⴽⵎ ⵜⵉⵣⵉ ⵏ ⵓⵙⵎⵓⵜⵜⴳ ⵏⵏⵙ. ⵢⴰⴳⴳⵓⴳ ⴱⴰⵀⵔⴰ ⴳ ⵓⴳⵯⵔⵉ ⵏ ⴰⵣⴰⵢⴽⵓ ⵏ ⵓⵙⴱⴰⴽⵜ. ⴽⵓ ⴰⵏⵍⵎⴰⴷ ⴰⵔ ⵉⵜⵜⴰⵏⵏⴰⵢ ⴰⵙⵎⵓⵜⵜⴳ ⵏ ⵓⵙⵏⴼⴰⵕ ⵏⵏⵙ ⵍⵍⵉ ⴰⵙ ⵙⴽⴰⵔⵏ ⵡⵉⵢⵢⴰⴹ. ⵢⴰⵏ ⵓⴳⵯⵔⵉ ⵏ ⵓⵙⵎⵓⵜⵜⴳ ⴰⵏⵉⵎⴰⵏ ⴳⵔ ⵉⵏⵍⵎⴰⴷⵏ ⴰⴷ ⵏⵙⵙⵎⵔⴰⵙ. ⵉⵎⵙⵎⵓⵜⵜⴳⵏ ⴰⵔ ⵥⵕⵕⴰⵏ ⴰⵙⵏⴼⴰⵕ ⴰⵔ ⴰⵙ ⵜⵜⴳⴳⴰⵏ ⴰⵜⵉⴳ ⵚⴽⵓⵏ ⴼ ⵜⴰⵍⵖⴰ ⴷ ⵓⴳⴰⵎⴰ ⵏⵏⵙ ⵏ ⵓⵙⵏⴼⴰⵕ ⴰⵏⵏ ⴷ ⵢⴰⵏ ⵓⴱⴰⵕⵉⵎ ⴼ ⵉⵍⵍⴰ ⵓⵎⵙⴰⵙⴰ. ⵓⵔ ⵉⴳⵉ ⵖⴰⵔ ⵜⴰⵏⵇⵉⵜ, ⵎⴰⵛⵛ ⵉⴳⴰ ⵓⵍⴰ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ. ⴰⵎⵙⵏⴼⵍ ⴰⴷ ⴰⴷ ⵉⵜⵜⴰⵡⵙⵏ ⴳ ⵓⵙⵀⵉⵢⵢⵓ, ⵣⵖ ⵜⵉⵣⵡⵉⵔⵉ, ⵏ ⵜⴰⵜⵓⵜⵉⵏ, ⵉⵎⵓⴽⵔⵉⵙⵏ ⵏ ⴽⵔⴰ ⵏ ⵓⵙⵏⴼⴰⵕ ⴷ ⵜⵣⵎⵔⵜ ⴰⴷ ⵜⵏ ⵜⴼⵙⵢⵜ ⵙ ⵜⵉⵣⴱⵉⵜ. ⴰⵔ ⴰⵡⵏ ⵏⴰⵇⵔⴰ ⵓⵍⴰ ⴰⴷ ⵜⵏⵄⵕⵎ ⴼ ⵜⴰⵏⵏⴰⵢⵉⵏ ⵏⵏⵓⵏ. ⵉⴳⴳⵉ ⵏ ⵎⴰⵢⴰⴷ ⴰⴽⴽⵯ ⵏⴽⴽⵯⵏⵉ ⵏⴳⴰ ⴰⴽⴽⵯ ⴰⴼⴳⴰⵏ, ⴷ ⵜⵖⴰⵔⴰⵙⵜ ⵍⵍⵉ ⵙ ⴰⵔ ⵏⵥⵕⵕⴰ ⵜⵉⵖⴰⵡⵙⵉⵡⵉⵏ ⵓⵔ ⵜⴳⵉ ⵖⵉⵔ ⵢⴰⵜ, ⵍⵍⴰⵏ ⵉⵔⴳⴰⵣⵏ ⵉⵍⵉⵏⵜ ⵜⵎⵖⴰⵔⵉⵏ. ⵜⵉⴳⵉⵔⴰ ⵏ ⵡⴰⵡⴰⵍ, ⴽⵔⴰ ⵏ ⵓⵙⵎⵓⵜⵜⴳ ⴰⵔ ⵉⵜⵜⵉⵍⵉ ⴳ ⵓⵙⵡⵉⵔ ⴰⴽⵓⴷ ⵏⵏⴰ ⵉⵜⵜⵓⴼⴽⴰ ⴼ ⴰⴷ ⵉⵔⴰⵔ ⴽⵓ ⵎⴰⴷ ⵉⴳⴰⵏ ⴰⵙⵎⵓⵜⵜⴳ ⴰⴳⵯⵏⵙⴰⵏ.
PEER PEDAGOGY (ⵜⴰⴱⵉⴷⴰⵖⵓⵊⵉⵜ ⵜⴰⵎⴰⵣⵣⴰⵖⵜ)
ⴰⵍⵎⵎⵓⴷ ⴷ ⵡⵉⵢⴰⴹ... ⵙ ⵡⵉⵢⵢⴰⴹ
ⵜⴰⴱⵉⴷⴰⵖⵓⵊⵉⵜ ⵜⴰⵎⴰⵣⵣⴰⵖⵜ(Peer Pedagogy) ⵜⵓⵎⵥ ⴰⴷⵖⴰⵔ ⵏ ⵓⵔⵎⵎⵓⵙ ⴰⵡⴽⵍⴰⵙⵉⴽ. ⵉⵏⵍⵎⴰⴷⵏ ⴰⴽⴽⵯ, ⵣⵓⵏ ⴷ ⵜⵓⴳⵜ ⵏ ⵉⵎⵙⵙⵉⵍⵖⵏ ⴷ ⵉⵎⵣⵔⴰⵡⵏ ⴰⵔ ⵏⵏ ⵜⵜⴰⴼⴰⵏ ⵉⵎⴰⵏ ⵏⵏⵙⵏ ⴳ ⵢⴰⵏ ⵓⴳⵯⵔⵉ ⵏ ⵓⵍⵎⵎⵓⴷ. ⵙ ⵡⴰⴷⴷⴰⴷ ⴰⴳⴰⵎⴰⵏ, ⵉⵏⵍⵎⴰⴷⵏ ⴰⴽⴽⵯ ⵥⴹⴰⵕⵏ ⴰⴷ ⵙⵔⵙⵏ ⵉⵙⵏⴼⴰⵕⵏ ⵏⵏⵙⵏ ⴳⵔ ⵉⴼⴰⵙⵙⵏ ⵏ ⵡⵉⵢⵢⴰⴹ. ⵉⵥⴹⴰⵕ ⴰⵙⵏⴼⴰⵕ ⴰⴷ ⴷ ⵢⴰⵛⴽ ⵣⵖ ⵢⴰⵜ ⵜⵣⵎⵔⵜ ⵜⴰⵙⵏⵓⵎⵍⴰⵏⵜ ⵉⵍⵍⴰⵏ ⴷⴰⵔ ⵓⵏⵍⵎⴰⴷ ⵍⵍⵉⵖ ⵓⵔⵜⴰ ⵢⵓⴷⵉⴼ ⵙ ⵜⵉⵏⵎⵍ ⵏⵖ ⴷ ⴽⵔⴰ ⵏ ⵢⵉⴳⵔ ⵉⴳⴰⵏ ⴰⵎⴰⵢⵏⵓ ⵙ ⵜⵉⵎⵎⴰⴷ ⵏⵏⵙ. ⵜⵉⵏⵎⵍ ⴷ ⵡⴰⵎⵓⵏ ⵏⵏⵙ ⴽⵛⵎⵏ ⴳ ⵢⴰⵜ ⵜⵔⴰⴱⴱⵓⵜ ⵏ ⵉⵙⵏⴼⴰⵕⵏ ⵉⵔⵔⵓⵜⵏ ⵉⴱⵖⵔⵏ, ⵉⵜⵜⴰⵡⵙⵏ ⴼ ⵢⵉⵎⵉⵥ ⵏ ⵜⵉⵔⵎⵉⵜ ⴷ ⵓⵍⵎⵎⵓⴷ. ⵉⵙⴳⵔⴰⵔ ⵉⵎⵏⵏⴰⵡⵏ, ⵜⵓⴳⵜ ⵏ ⵉⵏⵍⵎⴰⴷⵏ ⴰⴷ ⵢⴰⴽⴽⴰⵏ ⵜⴰⵣⵎⵔⵜ ⵏ ⴽⵕⴰⴹ ⴷ ⵎⵔⴰ, ⴽⵕⴰⵎⵔⴰⵡ ⴷ ⵙⴰ. ⴽⵓⵢⴰⵏ ⵉⵥⴹⴰⵕ ⴰⴷ ⵉⴼⵍ ⴰⴷⵔⵉⵣ ⵏⵏⵙ ⴳ ⵓⵎⵣⵔⵓⵢ ⵏ ⵜⵉⵏⵎⵍ ⵏⵖ ⴷ ⴰⴽⴽⵯ ⴳ ⵓⵎⴰⴹⴰⵍ ⵏ ⵜⵉⵜⵉⴽⵏⵓⵍⵓⵊⵉⵜⵉⵏ ⵜⵉⵎⴰⵢⵏⵓⵜⵉⵏ.
ⴰⵙⵓⵔⴰⵔ
ⵣⵖ ⵜⵓⵔⴰⵔⵜ ⵓⵍⴰ ⵜⴰⵍⵖⵉⵡⵉⵏ ⵏⵏⵙ ⵎⵣⴰⵔⴰⵢⵏⵉⵏ, 1337 ⴰⵔ ⵜⵙⵙⵓⵔⵓⴼ ⵉ ⵓⵍⵎⵎⵓⴷ ⴰⵏⵉⵎⴰⵏ ⵏ ⵉⵏⵍⵎⴰⴷⵏ ⴳ ⵢⴰⵜ ⵜⵡⵏⵏⴰⴹⵜ ⵉⵙⵙⴱⵖⴰⵙⵏ, ⵉⴷⵃⵃⵉⵏ ⵙ ⴷⴰⵜ ⴰⵔ ⵜⵙⴽⴰⵔ ⴰⵏⵥⴰⵕ.
ⵜⴰⵖⴰⵔⴰⵙⵜ ⵏ ⵓⵙⵙⵎⵔⵙ
ⵉⵎⵃⴹⴰⵕⵏ ⵍⵍⵉ ⵉⵙⴱⵓⵖⵍⵓⵏ ⵜⵉⵎⴰⵏⵉⵜ ⵏⵏⵙⵏ ⴷ ⵜⵉⵔⵎⵉⵜ ⵏⵏⵙⵏ.
ⵉⵙⵏⴼⴰⵕⵏ ⴰⴽⴽⵯ ⵏⴳⴰⴷⴷⴰⵏ ⵣⵓⵏ ⴷ ⵉⵖ ⵍⵍⴰⵏ ⵖ ⴽⵔⴰ ⵏ ⵜⵓⵔⴰⵔⵜ ⵏ ⵓⵠⵉⴷⵢⵓ. ⵣⵖ ⵓⵎⴰⵜⵔ ⴷ ⵡⵓⴹⵓⴼ ⵏ ⵜⵉⵔⵎⵉⵜ, ⵔⴰⴷ ⵜⴷⴷⵓⵎ ⵙ ⴷⴰⵜ ⵣⵓⵏ ⴷ ⵓⴽⴰⵏ ⵢⴰⵏ MMORPG ⴳ ⵢⴰⵏ ⵡⵓⵖⵓⵏ ⴷ ⵜⵣⵎⴰⵔⵜ, ⴰⵙⵡⵉⵔ ⴷ ⵜⴰⵥⵥⵉⴹⵕⴰ. ⵔⴰⴷ ⴷⴰⵔⵓⵏ ⵢⵉⵍⵉ ⴽⵉⴳⴰⵏ ⵏ ⵓⵏⴱⴰⴹ ⴳ ⵜⵡⴰⴷⴰ ⵏⵏⵓⵏ ⵙ ⴷⴰⵜ, ⵜⵉⵥⴹⵉⵕⵎ ⴰⵡⴷ ⴰⴷ ⵜⵙⵀⵉⵢⵢⵓⵎ ⴽⵔⴰ ⵏ ⵜⵖⵎⵔⵉⵏ, ⴽⵔⴰ ⵏ ⵉⵜⵉⵎⵏ ⵏ ⵉⵙⵏⴼⴰⵕⵏ, ⵜⴷⴷⵓⵎ ⵓⵍⴰ ⵙ ⵓⵎⵏⵉⴷ ⴳ ⵎⴰⵢⴰⴷ.
ⴳ ⵓⴱⵔⵉⴷ ⵏ ⵓⵙⵙⵉⵍⵖ ⵏⵏⵓⵏ ⵔⴰⴷ ⵜⵙⵎⵓⵏⵎ ⵜⵉⵏⵇⵇⴰⴹ ⵏ ⵜⵉⵔⵎⵉⵜ ⵉⵏⵏⴱⴹⴰⵏ ⴼ 17 ⵏ ⵜⵣⵎⵔⵜ ⵜⴰⵣⵣⵓⵍⴰⵏⵜ. ⵔⴰⴷ ⵜⵜⵎⵉⵜⵜⴰⵢⵎ ⵓⵍⴰ ⵣⵖ ⵓⵙⵡⵉⵔ ⵙ ⵡⴰⵢⵢⴰⴷⴹ.
ⵜⵥⴹⴰⵕⵎ ⴰⵡⴷ ⴰⴷ ⵜⵎⵎⵓⵜⵜⵉⵎ ⵙ ⵉⵎⵓⵔⵙⵏ ⵏⵏⵓⵏ, ⵜⴰⴼⵎ ⵎⴰⵙ ⵜⵕⵥⴰⵎ ⴰⵕⵓⵜⵉⵏ ⵙ ⵜⵖⴰⵔⴰⵙⵜ ⵏ ⵜⵓⵔⴰⵔⵜ ⵏ ⵓⵠⵉⴷⵢⵓ ⵍⵍⵉ ⵔⴰⴷ ⴰⵡⵏ ⵉⴼⴽ ⵢⴰⵏ ⵡⵓⴷⵎ ⵏ ⵓⴼⵊⵊⵉⵊ ⵉ ⵓⵍⵎⵎⵓⴷ ⵏⵏⵓⵏ.
ⵉⵔⵎ ⵏ ⵜⵉⴳⵔⵉ ⵜⴰⵍⵎⵎⵓⴷⴰⵏⵜ ⵔⴰⴷ ⴽⵯⵏ ⵜⵙⴳⵔⴰⵔ ⴳ ⵜⵎⵙⵉⵔⵉⵏ ⴷ ⵓⵙⵏⵎⴰⵍⴰ ⴷ ⵢⵉⵎⵉⵥ ⵏ ⴽⵔⴰ ⵉⴳⴰⵏ ⵜⴰⴼⵔⴽⴰ ⵣⵖ ⵓⵍⵎⵎⵓⴷ ⵏⵏⵓⵏ, ⵉⵖ ⵜⴳⵣⵣⵓⵍ ⵓⵍⴰ ⵉⵖ ⵜⵖⵣⵣⵉⴼ, ⴰⵔ ⴷ ⵏⵏ ⵜⴳⵓⵍⵓⵎ ⴰⵙⵙⵓⴷⴼ ⴰⵣⵣⵓⵍⴰⵏ.
ⴰⵢⵍⵍⵉ ⴰⴽⴽⵯ ⵉⴼⵓⵍⴽⵉ, Hall of Fame ⴰⵔ ⴰⵡⵏ ⵢⴰⴽⴽⴰ ⵉⵏⴰⵥⴰⵕⵏ ⵉⵙⵎⵎⵓⴷⴰⵏⵏ ⴰⵔ ⴰⵡⵏ ⵉⵙⵙⵓⵔⵓⴼ ⴰⴷ ⵜⵙⴳⵏⵣⵉⵎ ⵙ ⵉⵏⵍⵎⴰⴷⵏ ⵢⴰⴹⵏⵉⵏ ⴳ ⵡⴰⵛⵛⴱⴰⵕⵏ ⵉⵜⵉⴽⵏⵉⵢⵏ.
ⴽⵓⵢⴰⵏ ⴷⴰⵔⵙ ⴰⵏⵢⴰ ⵏⵏⵙ
ⴽⵓ ⴰⵏⵍⵎⴰⴷ ⴰⵔ ⵉⵜⵜⴷⴷⵓ ⴼ ⵡⴰⵏⵢⴰ ⵏⵏⵙ. ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴽⵔⴰ ⵉⵔⵎⴰⵡⵏ ⵔⴰⴷ ⵔⵅⵓⵏ ⴳ ⵓⵙⵙⵓⴷⴼ ⵓⴳⴳⴰⵔ ⵏ ⵡⵉⵢⵢⴰⴹ. ⵉⵍⵎⵎⵓⴷⵏ ⵏ 1337 ⴳⴰⵏ ⴰⴽⴽⵯ ⵉⵍⵎⵎⴰ ⵡⵉⴷ ⵎⵉ ⵜⵜⵡⴰⴽⴽⴰⵙⵏ ⵉⵡⵓⵜⵜⴰ ⴳ ⵓⵣⵎⵣ. ⵓⵔ ⴳⵉⵙ ⴰⵙⵇⵙⵉ ⵏ ⵓⴹⴼⴼⵓⵕ ⵏ ⴽⵔⴰ ⵏ ⵜⵎⵖⵔⵉⵜ ⵏⵖ ⴷ ⴰⴷ ⵜⴳⴳⵯⴷⵎ ⴰⴷ ⵏⵏ ⵜⵎⴰⵟⵍⵎ. ⵖⵉⴷ ⴽⵓ ⴰⵏⵍⵎⴰⴷ ⴰⵔ ⵉⵜⵜⴷⴷⵓ ⵙ ⴷⴰⵜ ⴼ ⵡⴰⵏⵢⴰ ⵏⵏⵙ. ⵓⵔ ⵉⵍⵍⵉ ⵎⴰⴷ ⵉⵜⵜⵎⴰⵟⴰⵍⵏ ⴰⵛⴽⵓ 100% ⵏ ⵜⵉⵎⵙⵉⵔⵉ ⴳⴰⵏⵜ ⵜⵉⵡⵎⴷⴰⵏⵉⵏ.
3 ⵉⵙⴳⴳⵯⴰⵙⵏ ⵏ ⵓⵎⵓⴷⴷⵓ
ⴽⵕⴰⴹ ⴷ ⵎⵔⴰ, ⴽⵕⴰⵎⵔⴰⵡ ⴷ ⵙⴰ ⵜⴼⴽⴰ ⵢⴰⵜ ⵜⴰⵍⵍⵉⵜ ⵏ ⵓⵙⵙⵍⵎⴷ ⵏ ⴽⵕⴰⴹ ⵉⵙⴳⴳⵯⴰⵙⵏ. ⵜⴰⵍⵍⵉⵜ ⴰⴷ ⵉⴷⵔⵓⵙⵏ ⴳⵉⵙ ⴰⵏⵏⴰⵏ ⵏⵖ ⴷ ⴰⵣⵣⵔⵢ ⵏ ⵉⵎⵉⴽⴽ ⵏ ⵜⵉⵣⵉ ⵖ ⵜⵎⵙⵏⵜⴰⵢⵉⵏ. ⵙ ⵜⵡⵓⵔⵉ ⵏ ⴽⵓ ⴰⵏⵍⵎⴷ, ⴽⵕⴰⴹ ⵉⵙⴳⴳⵯⴰⵙⵏ ⴰⵏⵏ ⵥⴹⴰⵕⵏ ⴰⴷ ⵉⴳⵣⵓⵍⵏ ⵏⵉⵖ ⵖⵣⵣⵉⴼⵏ ⵎⵉⵏ ⴰⴷ ⴷⵔⵔⵣⵏ ⵙ ⴳⴰⵔ ⴰⵙⵙⵉⵍⵖ. ⵜⵉⵖⵯⵎⵔⵉⵏ ⴰⴽⴽⵯ ⵏ ⵓⵙⵉⴳⴳⵍ ⵙ ⵜⵡⵓⵔⵉ ⴰⵔ ⵜⵜⵢⴰⵙⴰⵢⵏ ⵙ ⵜⵉⵟⵟ ⵏ ⵓⴼⵍⵍⴰ ⴰⴽⵓⴷ ⵏⵏⴰ ⵎⴷⴰⵏⵜ ⵜⵎⵙⵉⵔⵉⵏ ⵓⵍⴰ ⵉⵖ ⵙⵓⵍ ⵉⵍⵍⴰ ⵓⵙⵙⵉⵍⵖ. ⴰⵡⴷ ⵜⵉⴳⵯⵣⵎⵉⵏ ⵜⵉⵎⵇⵔⴰⵏⵉⵏ ⵏ ⵓⵙⵙⵍⵎⴷ ⴰⵔ ⵜⴻⵜⵜⵓⵙⵏⴼⴰⵍⵉⵏⵜ ⵙ ⵜⴰⵍⵖⴰ ⵏ ⵓⵙⵡⵉⵔ ⵏ ⵜⵉⵔⵎⵉⵜ ⴳ ⵉⵙⴳⴳⵯⴰⵙⵏ. ⵀⴰⵜⵉ ⵜⵉⵔⵎⵉⵜ ⵜⴰⵣⵣⵓⵍⴰⵏⵜ ⴰⵔ ⵢⴰⴽⴽⴰⵏ ⴰⵏⵢⴰ ⵉ ⵓⵙⵙⵉⵍⵖ ⴷⴰⵔ 1337.
ⴽⵕⴰⴹ ⵉⵙⴳⴳⵯⴰⵙⵏ, ⵉⴳⴰ ⴰⵣⵎⵣ ⵍⵍⵉ ⵙ ⵏⵖⴰⵍ ⵉⵙ ⴷ ⵉⵇⵇⴰⵏ ⵉ ⵓⵍⵎⵎⵓⴷ ⵏ ⵓⵙⵎⴰⵢⵏⵓ ⴰⵜⵉⴽⵏⵓⵍⵓⵊⵉ. ⵉⴳⴰ ⵓⵍⴰ ⵢⴰⵏ ⵓⵣⵎⵣ ⵍⵍⵉ ⴳ ⴷ ⵉⵇⵇⴰⵏ ⴰⴷ ⵢⴰⵎⵥ ⵓⵏⵍⵎⴰⴷ ⴰⵙⵙⵏⵜⵉ ⵏ ⵢⵉⵎⵉⵥ ⵏ ⵜⵉⵔⵎⵉⵜ, ⵣⵖ ⵡⴰⵏⵏⴰⵏⵏ ⴷ ⵜⵉⵔⵎⵉⵜ ⵏ ⵜⵎⵙⵏⵜⴰⵢⵉⵏ.
ⴰⵔ ⵉⵜⵜⴱⵓⵖⵍⵓ ⵎⵉⵏ ⴰⴱⴷⴷⵉ ⵙ ⵓⵙⵔⴰⴳ ⵏ ⵢⵉⵎⵉⵥⵏ ⵏⵏⵙ
ⴰⴽⵓⴷ ⵏⵏⴰ ⵜⵙⴳⴰⴷⴷⴰⵎ ⵎⵍⵉⵃ ⴽⵔⴰ ⵏ ⵓⵙⵏⴼⴰⵕ, ⵔⴰⴷ ⵜⵜⵓⵙⴱⵖⴰⵙⵎ ⴰⴷ ⵜⴷⴷⵓⵎ ⵙ ⴷⴰⵜ. ⵙ ⵓⵎⴷⵢⴰ ⵉⵖ ⵜⵙⴰⵍⴰⵎ ⴽⵔⴰ ⵏ ⵓⵏⵏⴰⵏ, ⴰⵔ ⵜⵙⵡⵓⵔⵉⵎ ⴼ ⵢⴰⵜ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ, ⵔⴰⴷ ⵉⵍⵎⵎⴰ ⵜⴰⵎⵥⵎ ⴽⵔⴰ ⵏ ⵜⵉⵔⵎⵉⵜⵉⵏ ⵖ ⵢⵉⴳⵔ ⴰⴷ. ⵜⵥⴹⴰⵕⵎ ⵉⵍⵎⵎⴰ ⴰⴷ ⵜⵙⵙⵓⵜⵍⵎ ⵉ ⵢⵉⴳⵔ ⴰⴷ ⵜⴽⵙⵙⵎ ⴼⵍⵍⴰⵡⵏ ⵜⵉⴼⵉⴽⵛⵉⵏ ⵢⴰⴹⵏⵉⵏ ⴱⵍⴰ ⵜⵜⵇⵇⵍⵎ ⵙ ⵉⵙⵎⵓⵏⵏ ⵏⵏⵓⵏ ⴰⴷ ⴽⵯⵏ ⵉⵏⵏ ⵍⴽⵎⵏ. ⵙ ⵓⵎⴳⴰⵍ, ⵉⵖ ⵜⵔⴰⵎ ⴰⴷ ⴱⴰⵀⵔⴰ ⵜⴷⴷⵎⵎ ⴳ ⵓⵙⵏⵜⵍ ⵏⵏⵓⵏ, ⵓⵔ ⵉⵍⵍⵉ ⵎⴰ ⵔⴰⴷ ⴰⵡⵏ ⵉⴳⵯⴷⵍ ⵎⴰⵢⴰⵏⵏ ⴰⴷ ⵜ ⵜⵙⴽⵔⵎ.
ⴼⴽ ⵉ ⵜⵉⵣⵉ ⵣⵖ ⵜⴰⵢⵢⴰⴹ
ⵜⴰⵡⴽⴽⴰⵙⵜ ⵏ ⵜⴼⵉⴽⵛⵉⵏ ⵏ ⵜⵉⵣⵉ ⴰⵔ ⴰⵡⵏ ⵉⵙⵙⵓⵔⵓⴼ ⴰⴷ ⵜⵙⵡⵓⵔⵉⵎ ⴼ ⵡⴰⵏⵢⴰ ⵏⵏⵓⵏ. ⵜⵥⴹⴰⵕⵎ ⴰⴷ ⵜⵙⵙⵜⵉⵎ ⵜⵉⵣⵉ ⵏⵏⴰ ⴰⵡⵏ ⵉⵕⵡⴰⵏ ⵉ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⵏⵏⵓⵏ.. ⵜⵉⵣⵉ ⵉⵜⵜⵓⴼⴽⴰⵏ ⵉ ⴽⵔⴰ ⵉⴳⴰ ⴰⵙⵏⴼⴰⵕ ⵜⴳⴰ ⵖⵉⵔ ⵢⴰⵏ ⵓⵅⵎⵎⴻⵎ ⴼ ⵜⵉⵣⵉ ⵍⵍⵉ ⵉⴳⵓⵎⵏ ⵉ ⵓⵙⴽⴽⵉⵔ ⵏ ⵓⵙⵏⴼⴰⵕ. ⵜⵥⴹⴰⵕⵎ ⴰⴷ ⵜⵜ ⵜⵙⵙⵉⵖⵣⵉⴼⵎ, ⵎⴰⵛⵛ ⵉⵍⴰⵇ ⴰⴷ ⵜⴰⵎⵥⵎ ⵜⵉⵣⵉ ⴰⴼⴰⴷ ⴰⴷ ⵜⵎⵓⵔⵙⵎ ⵜⵔⵎⵙⵎ ⵎⵍⵉⵃ. ⴽⵯⵏⵏⵉⵏ ⵓⵔ ⵔⴰⴷ ⵜⵖⵥⵥⵎ ⵙ ⵜⵡⴰⴷⴰ ⵏ ⵉⵙⵎⵓⵏⵏ ⵏⵏⵓⵏ, ⵜⵥⴹⴰⵕⵎ ⴱⴷⴷⴰ ⴰⴷ ⵜⵙⴽⴰⵔⵎ ⴰⵎⵙⵏⴼⵍ ⴷ ⵡⵉⵢⵢⴰⴹ ⴰⴼⴰⴷ ⴰⴷ ⵜⵙⵙⵓⴷⵓⵎ ⵙ ⴷⴰⵜ.
ⵙ ⵜⵖⴰⵔⴰⵙⵜ ⴰⴷ ⵏⵉⵜ, ⵜⴰⵡⴽⴽⴰⵙⵜ ⵏ ⵜⴼⵉⴽⵛⵉⵏ ⵏ ⵜⵉⵣⵉ ⴰⵔ ⴰⵡⵏ ⵜⵙⵙⵓⵔⵓⴼ ⴰⴷ ⵜⵙⴳⵎⵎⵓⵎ ⵙ ⵉⵎⵉⵣⵉⵜⵏ ⵏ ⵜⵓⴷⵔⵜ... ⵉⵖ ⴼⵍⵍⴰⵡⵏ ⵉⵍⵍⴰ ⴰⴷ ⵜⵙⵔⵙⵎ ⵙ ⵡⵓⴷⵎ ⵉⵥⵍⵉⵏ ⴰⵙⵙⵉⵍⵖ ⵏⵏⵓⵏ ⴳ stand-by(ⴰⵙⵙⵓⵊⴷ ⵉ ⵜⵡⵓⵔ), ⴳ ⵓⴷⵡⴰⵍ ⵏⵏⵓⵏ ⵙ ⵜⵔⵉⵢⵣ ⴽⵕⴰⵎⵔⴰⵡ ⴷ ⵙⴰ, ⵔⴰⴷ ⴷ ⵜⴰⴼⵎ ⵉⵙⵏⴼⴰⵕⵏ ⵏⵏⵓⵏ ⴳ ⵉⵍⵍⵉ ⴳ ⵜⵏ ⵜⴼⵍⵎ. ⵉⵇⵇⴰⵏ ⴰⴷ ⵜⵉⵙⵙⴰⵏⵎ ⵎⴰⴷ ⴷ ⵉⵖ ⵜⵔⴰⵎ ⴰⴷ ⵜⵙⴳⵔⴰⵔⵎ ⴰⴽⴷ ⵎⵉⴷⴷⵏ ⵣⴷⵉⵏⵉⵏ ⴷ ⵓⵎⴰⴹⴰⵍ ⵏ ⵜⵎⵙⵙⵏⵜⵉⵜⵉⵏ, ⴽⵔⴰ ⵏ ⵉⵙⵏⴼⴰⵕⵏ ⵍⴰⵏ ⵢⴰⵜ ⵜⵉⵣⵉ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⴻⵜⵜⵓⵣⵔⴰⴽ. ⵜⵉⵣⵉ ⵜⴳⴰ ⵢⴰⵜ ⵜⵖⴰⵡⵙⴰ ⵉⵙⵙⵎⵔⴰⵏ ⴰⵎⴰⴹⴰⵍ ⵏ ⵜⴰⵣⵣⵓⵍⵜ, ⵉⵇⵇⴰⵏ ⴷ ⴰⴷ ⵉⵙⵎⵓⵇⵇⵓⵍ ⵓⵙⵙⵉⵍⵖ ⵎⴰⵢⴰⴷ.
