fbpx
Le Peer-learning 2018-05-22T14:18:13+00:00

التعلم التعاوني Peer-learning، موضع تربوي محدد بدقة

المنهج التعليمي ما تعيتامدش على أساتذة ولا دروس… انت هو المعلم ف 1337 اللي كتعلم راسك براسك. التعلم التعاوني هو اللي كيسمح باش المدرسة تبقى مفتوحة 24 ساعة على 24، 7 أيام في الأسبوع. يمكنك لك تحضر فأي ساعة ليل نهار ، السبت والأحد وحتى أيام العطل. انت الوحيد المسؤول على نجاحك ونجاح زملاءك.

التعلم  بأشمله يتم عن طريق التطبيق وإنجاز مشاريع. ما كايناش دروس أكاديمية اللي تتفقد فيها التركيز بعد 10 دقايق.

وباش تقدّم، خاصك تعتمد على نفسك، وعلى قوة المجموعة. غادي يخصك تعطي وتاخذ، انتا فنفس الوقت هو الأستاذ والتلميذ. التعلم التعاوني كيمحي المسافة والحدود بين الطلبة والأستاذة، حيت التكوين ما كيكون ناجح غير يلا كنا مجموعين.

تعلم بطريقة مختلفة

التعلم التعاوني كيقوم على العمل التشاركي. خاصك تواجه الآخرين، وتبادل معاهم، وتعلمو من بعضكم. بحال المشاريع كلها، غادي تلقى فطريقك مقاومة، وقناعات، وشكوك، وتساؤلات قبل ما توصل للنتيجة.

هذ التساؤلات، غادي تبقى تطرحها ديما مللي تخدم مع المجموعة. هذ التساؤلات هي اللي كتخليك تزيد القدام وتشحذ القدرات ديالك، ماشي بالحفاظة والعراضة، ولكن بالبحث، والتجريب، وبالدفاع عن الأفكار. خاصك تكون مستعد باش تبحث على المعرفة، وتّحاور مع زملاءك، وما تسناش الأجوبة جاهزة من عند الأساتذة.

تقييم الأقران

عند انتهاء المشروع، يأتي وقت التقييم لا علاقة مع النظام التقليدي اللي كتعرفو، كل طالب كيراجع المشروع ديال طالب آخر ويعطيه تقييم.

عندنا نظام تقييم ومراجعة بين الطلبة. المراجعين تيدرسو المشروع ، ويعطيوه تقييم على حسب طبيعة المشروع وتيعطويه السلم المحدد له . ما كايناش فالأول النقط ، كاين الحوار. وهذ الحوار والتبادل هو اللي كيخلي الطالب من البداية يعرف شنو العوائق اللي صادفها فالمشروع ، ويقدر يتجاوب معها بسرعة.

كيتوجب عليك تدافع على وجهات نظرك . فالنهاية، كلنا بشر، ونظرتنا للأشياء مختلفة ومتنوعة. فالأخير تيحصل الطالب على نقطة اللي تتمثل الخلاصة  والمراجعات السابقة.

تعلم مع الآخرين… ومن الآخرين

Peer Pedagogy اليوم جات فمكان مفهوم التدريس التقليدي. يعتبرالطلبة مجموعة من المكونين والمتكونين فنفس الوقت، وعليهم كيرتكز نظام التعلم. وهكذا، الطلبة كيقدروا يقدموا مشاريعهم بشكل طبيعي لطلبة آخرين. وما يهمش، واخا المشروع يجي من شي مهارة معلوماتية قديمة اكتسبها الطالب قبل ما يدخل المدرسة أو شي مهارة جديدة بالكل. المدرسة ومجموعتها كيقدرو يوصلو لمشاريع متنوعة وكثيرة كتشجع على التجريب والتعلم. وحيت الطلبة جايين من تجارب متنوعة وعددهم كبير، اللي تيمثلو القوة ديال 1337.

كل واحد يقدر يخلي البصمة ديالو فتاريخ المدرسة، وعلاش لا، فالعالم الهائل ديال التكنولوجيات الجديدة.

على استعداد لمواجهة التحدي؟

تسجل دبا