fbpx
3 سنوات سعادة 2018-06-30T12:17:10+00:00

3 سنوات سعادة

كل طالب يتقدم حسب الوتيرة ديالو. حيث بدون شك، بعض المفاهيم كتسهال على البعض اكثر من عند البعض الآخر. ولذلك، المواد عند 1337 كلها مستقلة زمنيا.. ، لهذا كل طالب كيتقدم حسب نفسو والوتيرة ديالو حتى واحد ما مأخر مادام الدرس مصمم 100% لكل فرد.

3 سنوات سعادة

مدة التعليم ف1337 كتمتد على 3 سنوات. وهذ المدة على سبيل الإشارة كتضمن التداريب والوقت المقضي فالمقاولة. ويمكن لهذ المدة تطوال أو تقصار حسب كل طالب بدون ما تأثر فالتكوين بذاتو. وما نساوش أن التكوين كيشمل كذلك جميع جوانب البحث عن شغل بعدما تسالي التكوين.
استيعاب واختبار التعليم كيكون على شكل مستويات التجربة وماشي بعدد السنين. وهذه هي التجربة الشخصية اللي كتميز التكوين عند 1337.

3 سنوات هو الوقت اللي كنشوفوه لازم باش الواحد يتعلم الابتكار التكنولوجي. وهو كذلك الوقت اللازم باش الواحد يكتاسب واحد التجربة، من خلال التداريب والتجارب فالمقاولات

التحسن مستمر بفضل المكتسبات ديالك

مللي كتكون كتحكم فواحد المشروع، كتشجع باش تزيد القدام اكثر. مثلا، فواحد التدريب، خدمتي على واحد التكنولوجيا جديدة، إذن اكتسبتي واحد التجربة فهذ الميدان. غادي يمكن لك إذن تطالع على هذ الميدان وتبدا تحديات جديدة بلا ماتسنى حتى يلحقو عليك الزملاء ديالك. و يلا بغيتي تزيد تعمّق فالموضوع، ما كاين حتى مانع.

خللي الوقت للوقت

التفريق الزمني كيساعدك باش تشتغل بالوتيرة ديالك. يمكن لك تاخذ الوقت اللازم ليك باش تنجز مشروعك. الوقت اللي كنخصصو لكل مشروع هو غير تقدير. ويمكن لك تلتزم به كيف يمكن لك تاخذ وقت اكثر باش تنجح وتفهم احسن. والتقدم ديال زملاءك ما غاديش يمنعك من التقدم حتى انتا، بالعكس غادي يمكن لك تعتامد عليهم وتبادل معهم باش حتى انتا تزيد القدام.

وهذ التفريق الزمني كيساعد كذلك باش تواجه مفاجآت الحياة… مثلا يلا كان خاصك توقف التكوين ديالك مؤقتا، مللي غادي ترجع ل 1337 غادي تلقى مشاريعك فين خليتيها كيما خليتيها. ومع ذلك ما نساوش أنه يلا بغينا نسايرو ما يجري فالمقاولات على أرض الواقع، خاص وقت الإنجاز يكون عندنا مضبوط. الوقت راه إكراه من إكراهات الاحترافية والمهنية، وخاصنا نحطوه دائما فالاعتبار.

على استعداد لمواجهة التحدي؟

تسجل دبا