أنا كنكودي، أنتا كتكودي، حنا كنكوديو…
1337 هي أول تكوين معلوماتي فالمغرب، كلو بالمجان، مفتوح للجميع اللي تيتراوح عمرهم بين 18 و30 سنة. ما محتاجش يكون عندك دبلوم فالمعلوميات، أو تكون درتي شي تكوين أو تخصص فالمعلوميات. المفتاح الوحيد اللي كيتيح لك باب الدخول ل 1337 هو الإبداع.
البيداغوجية ديال 1337 كتعتمد على peer-learning اللي هو نوع من التعلم التعاوني اللي كيساعد الطلبة على تحرير الإبداع ديالهم بفضل التعلم بإنجاز المشاريع. وباش نكوّنو مبرمجي الغد، اللي كيكوديو، كان لازم نراجعو طريقة التعلم، ونجعلو تعلم المعلوميات عملية ترفيهية، فيها الرغبة والشغف، ماشي كيف كيتخيلوها الناس.
1337 هي مدرسة الكود بامتياز، مجانية وفمتناول الجميع, وما تتطلبش منك تكون حائز على دبلوم. وتعتبر اندماج كامل، فعالم مستقبلي اللي ما بقاش فيه الكود مفهوم غامض.
1337 مدرسة الحاضر المتطلعة للمستقبل.
أولا، خاصك تولف تقرا “13” ثم “37”. 13 37، ، هكذاك مفرقة
1337
فالواقع، “1337” جايا من leetspeak وهي بديل للحروف الهجائية للغة الإنجليزية، هذ اللغة شوية geek، اللي فالأصل كانت كتستعمل من طرف متخصصيين فالمعلوميات باش يروجوا أفكار بيناتهوم بلا ما يفهمها أي شخص ما عندو دراية فهد المجال..
لييت سبيك هو إذن لغة خاصة كتستعمل أرقام ورموز تعوض الحروف العادية . مثلا “5” هي “S”، و”7” هي T…
1337 ….
L = 1, E=3, T=7.
يعني LEET، اللي كتدل على لييت سبيك !
مغامرتك ف 1337 تتبدا عبر الموقع candidature.1337.ma، سجل عنوان البريد الإلكتروني الخاص بك واتبع المراحل من جهاز كمبيوتر يتم تحديثه بانتظام.
مللي تأكد أنك كملت مرحة الاختبارات على الأنترنيت، غادي توجه لمقر 1337 بخريبكة من أجل عملية check in.
المسبح، هو اندماج لمدة 4 أسابيع فعالم لكود . مثلا، غادي تغوص. لمدة شهر، باش تعمل على مشاريع معلوماتية.
بداية المغامرة.